चेल्सी र लेस्टर सिटीको खेल बराबरी , शेफिल्ड युनाईटेडको पहिलो जित

MeroCricket
प्रकाशित मिति : August 19, 2019

काठमाडौं । इङ्गलिस प्रिमियर लिग फुटबलमा शेफील्ड युनाईटेडले पहिलो जित हात पारेको छ । यसै सिजनमा प्रिमियर डिभिजनमा बढुवा भएको शेफिल्डले गएराती क्रिष्टल प्यालेसलाई १–० ले हराउँदै पहिलो जित दर्ता गरेको हो ।

प्रिमियर लिगकै अर्को खेलमा चेल्सीले लेस्टर सिटीसँग एक एक गोलको बराबरी खेलेको छ ।

सिजनको पहिलो खेलमा गतसाता म्यान्चेस्टर युनाईटेडसँग ४–० ले हारेको चेल्सी गएराती लेष्टरसँग बराबरीमा रोकिएको हो ।खेलमा चेल्सीका युवा खेलाडी मेसन माउन्टले पहिलो गोल गरे । तर दोस्रो हाफमा लेष्टरका विल्फ्रेड एन्डीडीले गोल फर्काउदै खेल बराबरी गरेका हुन् ।

आफ्नै मैदान स्टामफोर्ड ब्रिजमा नयाँ प्रशिक्षक फ्राङ्क लाम्पार्डको प्रशिक्षणमा पहिलो खेल खेलेको चेल्सीले जित हात पार्न सकेन । इङ्गलिस प्रिमियर लिग फुटबलमा आज म्यान्चेस्टर युनाईटेडले वुल्भरह्याम्पटन वान्डरर्ससँग खेल्नेछ ।

फेसबुक प्रतिक्रिया
सम्बन्धित शीर्षकहरु
ताजा अपडेट
धेरै हेरिएको
Our Facebook